La Chanson de Roland – quelques laisses
LXXXIII
Dist Oliver: "Paien unt grant esforz; De noz Franceis m'i semblet aveir mult poi! Cumpaign Rollant, kar sunez vostre corn: Si l'orrat Carles, si returnerat l'ost." Respunt Rollant: "Jo fereie mun los, Sempres ferrai de Durendal granz colps; Sanglant en ert li branz entrequ'a l'or. Felun paien mar i vendrent as porz: Jo vos plevis, tuz sunt jugez a mort." AOI	5 10
LXXXVII
Rollant est proz e Oliver est sage; Ambedui unt me[r]veillus vasselage. Puis que il sunt as chevals e as armes, Ja pur murir n'eschiverunt bataille. Bon sunt li cunte e lur paroles haltes. Felun paien par grant irur chevalchent. Dist Oliver: "Rollant, veez en alques: Cist nus sunt pres, mais trop nus est loinz Carles.	15 19
XCII
Dist Oliver: "N'ai cure de parler. Vostre olifan ne deignastes suner, Ne de Carlun mie vos n'en avez. Il n'en set mot, n'i ad culpes li bers. Cil ki la sunt ne funt mie a blasmer. Kar chevalchez a quanque vos puez! Seignors baruns, el camp vos retenz! Pur Deu vos pri, ben seiez purpensez De colps ferir, de receivre e de duner! L'enseigne Carle n'i devum ublier." A icest mot sunt Franceis escriet. Ki dunc ooi"st "Munjoie" demander, De vasselage li pou"st remembrer. Puis si chevalchent, Deus! par si grant fiertet! Brochent ad ait pur le plus tost aler, Si vunt ferir, que fereient il el? E Sarrazins nes unt mie dutez; Francs e paiens, as les vus ajustez.	25 30 35